سەنىڭ قارا كوزدەرىڭ كوپ قادالىپ
جاۋلاپ الدى سەزىمدى. نەعىلامىن؟
شوققا شوقتى سالدى ما وتتان الىپ؟
ءومىر، قانداي كوپ ەدى، و، ىلاڭىڭ!
سەنىڭ قارا كوزدەرىڭ جاندى ۇعادى.
ءبىرىن-بىرى ىزدەگەن تابادى انىق.
جاماندار بار-كوڭىلدى قالدىرادى،
جان تىلەگىم - قالماشى جارالانىپ.
سەنىڭ قارا كوزدەرىڭ كوپكە ۇنادى.
كورۋى دە وزگە بۇل ءدۇنيانى.
جامان ويلار جامانعا سوقتىرادى،
كۇلىپ جۇرسەڭ - كۇللى الەم جىميادى.
**************************
سىرىڭدى ايتار جالعىز جان تاپپادىڭ با؟  
ءجيى-جيى باتاسىڭ باقتا مۇڭعا.
قولتىعىڭنان دەمەسىن ولەڭ سەنىڭ،
قيانات كورگەن سول ءبىر شاقتارىڭدا.
اقىلىڭ جەتەر ەدى ءبىر ادامعا،
اسەرشىل كوپشىلىككە ۇناعان با؟!
بوزبالانىڭ ىشىنەن جول تاپپايسىڭ،
ءمان بەرىپ اناعان دا، مىناعان دا.
قۇبىلىپ ساناڭداعى قۇلىندى ءۇنىڭ،
ايتقانىنا جۇگىنگىن بۇرىنعىنىڭ،
جالىندى-اق سوزدەر ايتىپ جۇباتار ەم،
بايانىنا كوز جەتسە بۇگىنگىنىڭ...
************************
    و، مەنى ويلاپ ەشقاشان كۇرسىنبە!  
قىلمىس دەپ قايعىرۋ ۇعامىن.
كۇلگىن ءتۇس شۇبەرەك - كۇن سىڭگەن،
وعان دا تۇسىنىكسىز شىعامىن.           
قاناتى قايىرىلعان قۇستايمىن،
كوزىندە بەلگىسىز جىميىس.
ايتپەسە قۇس بولىپ ۇشپايمىن،
باقىتتى بولۋ دا قيىن ءىس.
...وسى ەدى ونىڭ دا ارمانى،
مولادان شىققانداي ءبىر ءۇن ءجۇر.
ەرىندەر وت سەزىپ، جاندى ءانى،
ەكى بەت سۇپ-سۋىق. بۇلىڭعىر.
بالكىم ول كىنالى ەمەس-تى.
وزگەنىڭ نە سەزدى كوزىنەن؟
ءتۇسىم دە وڭىمدەي كومەسكى،
ولەتىن سياقتى سەزىنەم...

تاعىدا جازا تۇس جارايسىڭ.

قارا كوز ..... تالاي قارا كوزگە سۇقتاندىق قوي!!

ماعان ايتىپ تۇرسىڭبا ؟مەنىڭدە كوزىم قاپقاررا

قازاقتىڭ قارا كوزدەرى كوپ قوي قارىنداس

كوز الدىدا كوپ قارا كوز ، ال كوڭىلدە ءبىر قارا كوز دەسەم .

حاحاحا

اي ،امال جوق .قولدا باردا التىننىڭ قادىرى جوق دەگدن وسى عوي..

كۇلىپ كەتتىڭ قوي

بىرەۋدى الداپ تۇرعاندايسىڭ